जळगांव येथे "क्रांतीसूर्य भगवान बिरसा मुंडा जयंती" व "जनजातीय गौरव दिन" निमित्त आयोजित कार्यक्रमास केंद्रीय राज्यमंत्री श्रीमती रक्षाताई खडसे उपस्थित...*

*जळगांव येथे "क्रांतीसूर्य भगवान बिरसा मुंडा जयंती" व "जनजातीय गौरव दिन" निमित्त आयोजित कार्यक्रमास केंद्रीय राज्यमंत्री श्रीमती रक्षाताई खडसे उपस्थित...*

*क्रांतीसूर्य भगवान बिरसा मुंडा* यांच्या १५१ व्या जयंतीनिमित्त तसेच *‘जनजातीय गौरव दिना’* च्या औचित्याने *जिल्हाधिकारी कार्यालय, जळगाव* येथे आयोजित कार्यक्रमास *केंद्रीय राज्यमंत्री श्रीमती रक्षाताई खडसे* यांनी उपस्थित राहून *भगवान बिरसा मुंडा* यांना विनम्र अभिवादन केले.

सदर कार्यक्रमास *राज्याचे मंत्री मा. ना. श्री. गिरीशभाऊ महाजन* यांची प्रमुख उपस्थिती लाभली.

यावेळी खासदार श्रीमती स्मिताताई वाघ, अपर जिल्हाधिकारी श्रीमंत हारकर, जिल्हा परिषदेचे अतिरिक्त मुख्य कार्यकारी अधिकारी रणधीर सोमवंशी, जिल्हा ग्रामीण विकास यंत्रणेचे प्रकल्प संचालक राजू लोखंडे, यावल आदिवासी विकास विभागाचे अरुण पवार सर तसेच जळगावच्या तहसीलदार शीतल राजपूत यांच्यासह विविध विभागांचे अधिकारी व मान्यवर उपस्थित होते.

याप्रसंगी आदिवासी महिला बचत गटांना त्यांच्या उल्लेखनीय कार्यासाठी प्रोत्साहनपर प्रशस्तिपत्रे व धनादेशांचे वितरण करण्यात आले. या उपक्रमातून आदिवासी महिलांच्या आर्थिक सक्षमीकरणाला आणि स्वावलंबनाला निश्चितच बळ मिळेल.

*भगवान बिरसा मुंडा* यांनी आपल्या शौर्य, संघर्ष आणि अदम्य राष्ट्रप्रेमातून जनजातीय समाजाच्या स्वाभिमानासाठी व हक्कांसाठी दिलेला लढा संपूर्ण देशासाठी सदैव प्रेरणादायी आहे. त्यांचे विचार आणि कार्य पुढील पिढ्यांना समाजाच्या सर्वांगीण विकासासाठी कार्य करण्याची प्रेरणा देत राहतील.