पिंगळी बुद्रुक येथे सातारा जिल्हा मध्यवर्ती सहकारी बँकेच्या वतीने 'सहकार सप्ताह' उत्साहात साजरा

सातारा जिल्हा मध्यवर्ती सहकारी बँकेच्या वतीने माण तालुक्यातील पिंगळी बुद्रुक येथे 'सहकार सप्ताह' मोठ्या उत्साहात साजरा करण्यात आला. या कार्यक्रमाचे औचित्य साधून उपस्थित शेतकऱ्यांना सद्यस्थितीत वाढणाऱ्या सायबर फसवणुकीच्या संदर्भात सविस्तर व महत्त्वपूर्ण मार्गदर्शन करण्यात आले.


आजकाल डिजिटल बँकिंगचा वापर वाढल्यामुळे शेतकऱ्यांची आर्थिक फसवणूक होण्याचे प्रमाण वाढले आहे. या पार्श्वभूमीवर, कोणत्याही अनोळखी व्यक्तीला आपला बँक खात्याचा पासवर्ड, ओटीपी किंवा गोपनीय माहिती शेअर करू नये, तसेच संशयास्पद लिंक्सवर क्लिक करू नये, याबाबत बँक अधिकाऱ्यांनी उपस्थित ग्रामस्थांना जागरूक केले.


या कार्यक्रमा प्रसंगी बँकेचे शाखाप्रमुख सुभाष बागल, विकास अधिकारी भवारी साहेब आणि एफएलसी (FLC) समन्वयक सागर पवार प्रामुख्याने उपस्थित होते. त्यांनी शेतकऱ्यांच्या विविध शंकांचे निरसन करून बँकेच्या विविध योजनांची माहितीही दिली. या कार्यक्रमाला पिंगळी बुद्रुक आणि परिसरातील शेतकरी व ग्रामस्थ मोठ्या संख्येने उपस्थित होते.