तासगाव-कवठेमहांकाळचे पालकत्व आमदार गोपीचंद पडळकरांकडे द्या; भाजप कार्यकर्त्यांची जोरदार मागणी

तासगाव : तासगाव आणि कवठेमहांकाळ या दोन्ही विधानसभा मतदारसंघांत सध्या भाजपचा आमदार नसल्याने कार्यकर्ते व नागरिकांच्या संघटनात्मक, वैयक्तिक तसेच सार्वजनिक प्रश्नांच्या सोडवणुकीसाठी भाजपच्या चार आमदारांपैकी एका आमदाराची पालक आमदार म्हणून नियुक्ती करावी, अशी जोरदार मागणी तासगाव भाजपच्या वतीने करण्यात आली आहे. विशेषतः जत विधानसभा मतदारसंघाचे अभ्यासू व आक्रमक आमदार गोपीचंद पडळकर यांच्याकडे तासगाव-कवठेमहांकाळचे पालकत्व सोपवावे, अशी मागणी बैठकीत करण्यात आली.

क्रांती सहकारी साखर कारखाना, कुंडल येथे झालेल्या सांगली जिल्हा भाजप ग्रामीण कार्यकारिणीच्या बैठकीत ही मागणी करण्यात आली. पक्षनिरीक्षक विक्रम पावसकर, आमदार गोपीचंद पडळकर, आमदार सत्यजित देशमुख, जिल्हाध्यक्ष सम्राटबाबा महाडिक, माजी आमदार पृथ्वीराज देशमुख, माजी आमदार भगवानराव साळुंखे, वैभव पाटील, चिमण डांगे, शरद लाड आदी उपस्थित होते. आगामी ग्रामपंचायत, कवठेमहांकाळ नगरपंचायत, पदवीधर व शिक्षक मतदारसंघ तसेच लोकसभा निवडणुकांच्या पार्श्वभूमीवर दोन्ही तालुक्यांतील भाजप संघटना अधिक मजबूत करण्यासाठी पालक आमदाराची आवश्यकता असल्याचे यावेळी पदाधिकाऱ्यांनी स्पष्ट केले. तासगाव आणि कवठेमहांकाळ येथे भाजपची अद्ययावत कार्यालये असून, तासगाव तालुकाध्यक्ष अॅड. स्वप्निल पाटील आणि कवठेमहांकाळ तालुकाध्यक्ष उदयराजे भोसले यांच्या नेतृत्वाखाली पक्षाचे संघटनात्मक जाळे मजबूत
लढवल्या आहेत. केंद्र व राज्यात भाजपची सत्ता असल्याने स्थानिक पातळीवर जनतेच्या पक्षाकडून अपेक्षा वाढल्या असून, त्या पूर्ण करण्यासाठी प्रभावी नेतृत्वाची गरज असल्याचे मत व्यक्त करण्यात आले. दरम्यान, आमदार गोपीचंद पडळकर यांनी तासगाव व कवठेमहांकाळ या दोन्ही तालुक्यांमध्ये लक्ष घालून संघटनात्मक कामाला गती दिली जाईल, असे आश्वासन दिले. तसेच लवकरच दोन्ही तालुक्यांमध्ये कार्यक्रम घेण्यात येईल, अशी ग्वाही त्यांनी दिली. बैठकीस तासगाव तालुक्यातून भाजप तालुकाध्यक्ष अॅड. स्वप्निल पाटील, जिल्हा सरचिटणीस लोंढे सर, जिल्हा कार्यकारिणी सदस्य धनंजय शिंदे, आजम मकानदार, सरचिटणीस प्रशांत कुलकर्णी, सरचिटणीस श्रीकांत मोहिते, नारायण बंडगर, युवा मोर्चा तालुकाध्यक्ष आशुतोष भोसले, महिला मोर्चा तालुकाध्यक्ष अश्विनी प्रशांत पाटील आदी पदाधिकारी उपस्थित होते.