कलमठमधील श्री विठ्ठल रखुमाई मंदिरात २३ पासून हरिनाम सप्ताह

कणकवली : कलमठ बाजारपेठ येथील श्री विठ्ठल रखुमाई मंदिरात दि. २३ ते २४ ऑगस्ट या कालावधीत हरिनाम सप्ताहाचे आयोजन करण्यात आले आहे. यानिमित्त मंदिरात विविध धार्मिक व सांस्कृतिक कार्यक्रम पार पडणार आहेत.

रविवार, दि. २३ ऑगस्ट रोजी सकाळी ११ वाजता मंदिरात घटस्थापना करण्यात येणार आहे. त्यानंतर प्रथेनुसार गावातील प्रत्येक वाडीतील भजन मंडळांकडून अहोरात्र भजनाचा कार्यक्रम होणार आहे.

सोमवार, दि. २४ ऑगस्ट रोजी सकाळी १० वाजता पालखीची नगरप्रदक्षिणा काढण्यात येणार असून, त्यानंतर हरिनाम सप्ताहाची सांगता होणार आहे.

दरम्यान, बुधवार, दि. २६ ऑगस्ट रोजी दुपारी भाविकांसाठी महाप्रसादाचे आयोजन करण्यात आले आहे. या धार्मिक कार्यक्रमांचा भाविकांनी मोठ्या संख्येने लाभ घ्यावा, असे आवाहन आयोजकांच्या वतीने करण्यात आले आहे.