सतीश मडके यांची 'रयत शिक्षण संस्थेच्या' मध्य विभाग विभागीय समन्वय समिती सदस्यपदी निवड!

सामाजिक कार्यकर्ते मा. सतीश वसंत मडके (रा. वाघमोडेवाडी, पो. गोंदवले, ता. माण, जि. सातारा) यांची रयत शिक्षण संस्था, सातारा संचलित 'मध्य विभाग, सातारा विभागीय समन्वय समिती'च्या सदस्यपदी अत्यंत प्रतिष्ठेची निवड करण्यात आली आहे. रयत शिक्षण संस्थेच्या मॅनेजिंग कौन्सिलची बैठक नुकतीच २५ मे २०२६ रोजी संपन्न झाली. या बैठकीतील ठराव क्रमांक ८ अन्वये सतीश मडके यांची या समन्वय समितीवर नियुक्ती करण्याचा निर्णय घेण्यात आला. संस्थेचे सचिव श्री. विकास देशमुख यांनी अधिकृत पत्राद्वारे मडके यांना या निवडीचे पत्र प्रदान केले असून, संस्थेच्या वतीने त्यांचे हार्दिक अभिनंदन केले आहे. मा. सतीश मडके हे गेल्या अनेक वर्षांपासून रयत शिक्षण संस्थेच्या शैक्षणिक आणि सामाजिक कार्यात हिररीने सहभागी होत आले आहेत. त्यांच्या याच अविरत कार्याची आणि वेळोवेळी मिळालेल्या सहकार्याची दखल घेऊन संस्थेने त्यांच्यावर ही नवीन व महत्त्वाची जबाबदारी सोपवली आहे. विभागीय समन्वय समितीचे सदस्य या नात्याने आगामी काळात संस्थेच्या कार्यात त्यांचा सहभाग अधिक व्यापक आणि सक्रिय राहील, अशी आशा संस्थेने पत्राद्वारे व्यक्त केली आहे.