दत्तात्रय दगडू राऊत यांचे दुःखद निधन

पंढरपूर तालुक्यातील सुपली (पळशी) येथील नाभिक समाजातील दत्तात्रेय दगडू राऊत यांचे अल्पशा आजाराने वयाच्या ७४ व्यावर्षी दुःखद निधन झाले. त्यांच्या निधनाची बातमी समजताच ग्रामस्थ, पाहुणेरावळे, नातेवाईक आप्तस्वकीय यांनी त्यांच्या निवासस्थानी जाऊन अंत्यदर्शनासाठी बहू गर्दी केली. दत्तात्रेय राऊत यांचा प्रेमळ स्वभाव व आपल्या प्रेमळ स्वभावातून सर्व नातेवाईकांना ग्रामस्थांना त्यांनी आपलेसं करून नेहमी हसत खेळत आपले जीवन जगले यांच्या या मायाळू स्वभावाबद्दल उपस्थित असलेल्या सर्वांनी आठवणींना उजाळा दिला आणि अंत्यदर्शन घेतले. त्यांच्या अंत्ययात्रेस सर्व समाज घटकातील व्यक्ती उपस्थित होत्या. त्यांच्या पश्चात पत्नी, विवाहित तीन मुले, एक मुलगी, भाऊ ,भावजया, पुतणे नातवंडे असा मोठा परिवार आहे. ते धाराशिव शुगर फॅक्टरीतील सोपान राऊत यांचे थोरले बंधू होत. त्यांच्या जाण्याने सुपली गावात मोठी शोक कळा पसरली होती.