आटपाडी बाजार समितीस निव्वळ नफा ९९०८३८३.७४ रुपये .. सभापती संतोष पुजारी

आटपाडी बाजार समिती येथे सर्व सोयीनियुक्त मुख्य बाजार आवार असून दिघंची, करगणी, खरसुंडी व झरे येथे उपबाजार आवारे आहेत. तसेच केंद्रशासनाची ई-नाम योजना बाजार समितीत कार्यान्वीत असून सर्व व्यवहार ऑनलाईन पध्दतीने होत असून याचाही फायदा शेतकरी, व्यापारी यांना होत आहे.
खानापूर आटपाडी विधानसभा मतदार संघाचे आमदार सुहास ( बाबर व आटपाडी तालुक्याचे नेते तानाजीराव पाटील, संचालक, सांगली जिल्हा मध्यवर्ती सहकारी बँक लि. सांगली यांच्या नेतृत्वाखाली बाजार समितीचे कामकाज सुरू असून विद्यमान सभापती संतोष पुजारी, उपसभापती सुनिल सरक व सचिव शशिकांत जाधव, सर्व संचालक मंडळ व सर्व अधिकारी कर्मचारी वर्ग यांनी बाजार समितीचे उत्पन्न वाढविणेसाठी विशेष प्रयत्न करुन उत्पन्न वाढविलेले आहे.
तसेच जयदिप भोसले, जि.प. सदस्य आणि मलक्ष्मण सरगर, अध्यक्ष सांगली जिल्हा रा.स.पा. यांचेही बाजार समितीस सहकार्य लाभले आहे.तर सन २०२५-२६ चे उत्पन्न रु. २३८०१२६४.६० इतके झालेले आहे. बाजार समितीस निव्वळ नफा रु. ९९०८३८३.७४ इतका मिळालेला आहे.

बाजार समितीचे विद्यमान सभापती संतोष पुजारी यांनी शेतक-याच्या हितास प्राधान्य देऊन बाजारपेठ वाढीसाठी आवश्यक अधिकच्या सोयी सुविधा पुरविणेत येतील तसेच बाजार समितीचे उत्पन्न वाढीसाठी प्रयत्न केले जातील अशी माहिती दिली.