"पिलीव येथे नृसिंह जयंती उत्साहात साजरी"

तालुक्यातील पिलीव या ठिकाणी सालाबाद प्रमाणे नृसिंह जयंती उत्साहामध्ये साजरी करण्यात आली. श्रीराम गल्ली येथील नृसिंह मंदिरासमोर सुनील स्वामी यांचे हस्ते श्रीनिवास कुलकर्णी यांनी धार्मिक विधी व आरती करून भक्ती भावाने नृसिंह अनेक भक्तांनी पुष्पवृष्टी करून नृसिंह जयंती साजरी केली. त्याचप्रमाणे सुतार गल्ली या ठिकाणीही सर्व सुतार परिवार व भाविक भक्तांनी ह भ प चौगुले महाराज भाळवणी यांचा प्रवचनाचा कार्यक्रम ठेवून भजनाचा उत्कृष्ट कार्यक्रम ठेवून मनोभावे आरती करून पुष्पवृष्टी करून नृसिंह जयंती साजरी केली. तसेच रजपूत यांच्या वाड्यात व मारुती देशमुख यांच्या वाड्यातही व अनेक ठिकाणी नृसिंह जयंती साजरी केली. वरील सर्व ठिकाणी आरतीनंतर प्रसाद वाटून कार्यक्रमाची सांगता झाली. वरील सर्व ठिकाणी भाविक भक्तांनी मोठ्या श्रद्धेने दर्शन घेतले.