तासगावात उद्या सकाळी 10 वाजता रस्ता रोको सकल मराठा समाजाने पोलिसांना दिले निवेदन,

तासगाव : मराठा आरक्षणाच्या मागणीसाठी आणि

मनोज जरांगे - पाटील यांच्या लढ्याला जाहीर पाठिंबा देण्यासाठी उद्या दिनांक 4 सप्टेंबर 2026 रोजी सकाळी 10 वाजता तासगाव येथे रस्ता रोको आंदोलन करण्यात येणार आहे.

सकल मराठा समाजाच्या वतीने आज तासगाव पोलीस स्टेशनला याबाबत पूर्वकल्पना देणारे निवेदन देण्यात आले आहे. तासगाव पोलीस निरीक्षक यांना दिलेल्या या निवेदनात म्हटले आहे की, हे आंदोलन पूर्णपणे शांततेच्या आणि लोकशाही मार्गाने एस.टी. स्टँड चौक, तासगाव येथे केले जाईल.

आंदोलनादरम्यान कोणत्याही प्रकारची सार्वजनिक किंवा खाजगी मालमत्तेची हानी हो
णार नाही आणि कायदा व सुव्यवस्था राखली जाईल, अशी ग्वाही समाजाच्या वतीने देण्यात आली आहे.

तसेच रुग्णवाहिका, अग्निशामक दल, शाळकरी मुले आणि इतर अत्यावश्यक सेवांना कोणताही अडथळा येणार नाही, त्यांना त्वरित मार्ग काढून दिला जाईल.

आंदोलनामुळे तासगाव एस.टी. स्टँड परिसरातील वाहतुकीवर परिणाम होण्याची शक्यता आहे. तरी नागरिकांनी पर्यायी मार्गाचा वापर करावा.

असे आवाहनही करण्यात आले आहे.