विवेकदादा कोल्हे यांच्या विधानपरिषद नियुक्तीचा कोपरगावात जल्लोष

कोपरगाव सहकार, उद्योग आणि समाजकारण क्षेत्रात उल्लेखनीय कार्य करणारे विवेकदादा कोल्हे यांची विधानपरिषद सदस्य (आमदार) म्हणून नियुक्ती झाल्याने कोपरगाव तालुक्यात आनंदाचे वातावरण निर्माण झाले आहे. त्यांच्या निवडीबद्दल विविध स्तरांतून अभिनंदन होत आहे.
सहकार महर्षी शंकरराव कोल्हे सहकारी साखर कारखान्याचे अध्यक्ष तसेच औद्योगिक वसाहत कोपरगावचे चेअरमन म्हणून विवेकदादा कोल्हे यांनी केलेल्या विकासकामांमुळे त्यांचे नेतृत्व विशेष चर्चेत राहिले आहे.
या नियुक्तीबद्दल कोपरगाव नगरपालिकेचे उपनगराध्यक्ष जितूभाऊ रणशुर आणि सुप्रसिद्ध अँकर प्रदीप आहिरे यांनी संजीवनी कार्यस्थळी भेट देऊन विवेकदादा कोल्हे यांचा पुष्पगुच्छ, शाल व श्रीफळ देऊन सत्कार केला.
यावेळी जितूभाऊ रणशुर म्हणाले, “विवेकदादा कोल्हे यांचे सहकार व औद्योगिक क्षेत्रातील योगदान प्रेरणादायी असून, त्यांच्या नेतृत्वामुळे कोपरगावच्या विकासाला मोठी गती मिळाली आहे.”
प्रदीप आहिरे यांनीही “विवेकदादांचे नेतृत्व आणि समाजाप्रती असलेली बांधिलकी यामुळेच त्यांना हा सन्मान मिळाला आहे,” असे सांगत शुभेच्छा दिल्या.
दरम्यान, उपस्थित कार्यकर्त्यांनी “विवेकदादा कोल्हे साहेबांचा विजय असो” अशा घोषणांनी परिसर दुमदुमून टाकला.