मुलगी शिकली, प्रगती झाली या उक्तीला सार्थ ठरवत जव्हार तालुक्यातील सारसून गावच्या पुनम लक्ष्मण जंगली हिने मीरा-भाईंदर पोलीस दलात शिपाईपदी निवड होऊन संपूर्ण आदिवासी क ठाकूर समाजाची मान अभिमानाने उंचावली आहे.
जंगली कुटुंबातील पुनम हिचे वडील लक्ष्मण जंगली हे शेतमजूर आहेत. घरची परिस्थिती बेताची असतानाही पुनमने जिद्द सोडली नाही. प्राथमिक शिक्षण घेऊन तिने पोलीस भरतीची तयारी सुरू केली. पहाटे उठून धावणे, स्वतः अभ्यास करणे आणि घरकाम सांभाळून तिने हे यश खेचून आणले आहे.
पुनमच्या निवडीची बातमी कळताच सारसूनसह संपूर्ण जव्हार पंचक्रोशीत आनंदाचे वातावरण पसरले. आदिवासी क ठाकूर समाज संघटना, जव्हार च्या वतीने पुनमचे अभिनंदन करण्यात आले.
⚡ ब्रेकिंग NEWS