“जनतेची अडवणूक खपवून घेतली जाणार नाही” — वडगाव पान आर.टी.ओ. कॅम्पमध्ये प्रशासनाला कडक सूचना आमदार अमोल खताळ पाटील

वडगाव पान येथे आयोजित करण्यात आलेल्या आर.टी.ओ. कॅम्पला प्रत्यक्ष भेट देऊन तेथील कामकाजाची पाहणी करण्यात आली. यावेळी कॅम्पमध्ये उपस्थित अधिकारी व कर्मचाऱ्यांशी संवाद साधत सर्वसामान्य नागरिकांची कोणत्याही प्रकारची अडवणूक होणार नाही, याची विशेष खबरदारी घेण्याच्या सूचना देण्यात आल्या.
तसेच नागरिकांची सर्व कामे पारदर्शक, जलद व तत्परतेने पूर्ण करण्यात यावीत, असे स्पष्ट निर्देश संबंधित अधिकाऱ्यांना देण्यात आले. नागरिकांना वेळेत सेवा मिळणे ही प्रशासनाची प्राथमिक जबाबदारी असून, जनतेची गैरसोय अजिबात सहन केली जाणार नाही, असा इशाराही यावेळी आमदार अमोल खताळ पाटील यांनी अधिकारी वर्गाला दिला
आर.टी.ओ. कॅम्पमध्ये येणाऱ्या नागरिकांना आवश्यक सुविधा उपलब्ध करून देणे, त्यांना योग्य मार्गदर्शन करणे आणि कामकाजात कोणताही विलंब होऊ न देणे यावर भर देण्यात आला. यावेळी अनेक नागरिकांनी कॅम्पच्या माध्यमातून होत असलेल्या सोयीबद्दल समाधान व्यक्त केले.