य. मो.कृष्णा कारखान्याची सत्ता अबाधित राहणार कि पालटणार?

य. मो.कृष्णा कारखान्याची सत्ता अबाधित राहणार कि पालटणार?
गेलं काही दिवसांपासून यशवंतराव मोहिते कृष्णा सहकारी साखर कारखान्याची निवडणुकीची रणधुमाळी सुरू आहे. यामध्ये सत्ताधारी जयवंतराव भोसले सहकार पॅनल आणि विरोधी कृषी महर्षी आबासाहेब मोहिते संस्थापक पॅनल यांनी एकमेकांविरोधात कंबर कसली होती. दोन्हीकडून जोरदार प्रचार यंत्रणा,सभा आणि वैयक्तिक भेटीगाठींवर जोर दिला गेला. यामध्ये सहकार पॅनल कडून कारखाना आधुनिकीकरण त्याचबरोबर घरपोच साखर आणि नवीन इरिगेशन सिस्टीम ऊसाला उच्चं की दर अशी आश्वासने दिली गेली आहेत तर संस्थापक पॅनल कडूनही 120 किलो साखर घरपोच, पूर्वीची पाणीपट्टी 17500 वरून 7500 एकरी, करणार आणि बैठी पाणीपट्टी रद्द करणार, एफ आर पी पेक्षा जास्त दर देणार, नवीन युपी बिहारी कामगार काढून टाकणार आणि स्थानिकांना प्राधान्य देणार असे आश्वासन देण्यात आले आहे.
एकूणच दोन्हीकडून जोरदार प्रचार यंत्रणा राबविण्यात आली आहे. एकूण 21 जागांसाठी असणाऱ्या मतदानासाठी सर्वांनी बाजी लावली आहे अशातच कप बशी सोडा आणि नारळ हातात घ्या असा निरोप आल्याच्या चर्चा ऐकायला येत होत्या त्यामुळेच आता कृष्णा कारखान्याची सत्ता पालटणार कि अबाधित राहणार अशा चर्चांना उधाण आले आहे. एकूणच उद्याच्या निकालानंतर या सर्व चर्चांना पूर्णविराम मिळेल तोपर्यंत वेट अँड वॉच कराव लागणार आहे