ईश्वरपूर मध्ये अहिल्यादेवी जयंती निमित्त अभूतपूर्व मिरवणूक

शनिवार दिनांक 13/06/26 रोजी माजी मंत्री अण्णासाहेब डांगे यांच्या मार्गदर्शनाखाली महाराष्ट्र राज्य धनगर समाज महासंघाच्या वतीने श्री चिमणभाऊ डांगे आणि विश्वनाथ डांगे यांच्या नेतृत्वात पुण्यश्लोक राजमाता अहिल्यादेवी होळकर यांच्या जयंतीनिमित्त अभूतपूर्व भव्य दिव्य अशी मिरवणूक संपन्न झाली. या मिरवणूक मध्ये हत्ती, उंट,घोडे तसेच अहिल्यादेवींच्या जीवन चरित्रावर आधारित विविध जिवंत देखावे तसेच धनगर समाजाचे पारंपारिक गजनृत्य होते यामध्ये लहान मुलींनी केलेले गजनृत्य हे प्रमुख आकर्षण ठरले. यामध्ये शेकडो ढोल वादकांनी एकच सुरात ढोल वाजवून संपूर्ण शहर दनानून सोडले. त्याचबरोबर धनगर समाजाचे आराध्य दैवत असणारे श्री बिरुदेव आणि मायाक्का देवी देवस्थाना विविध ठिकाणचे 21 संत महंत उपस्थित होते. त्यांनी सर्व जनसमुदायाला आशीर्वाद दिले.
या मिरवणुकीसाठी धनगर समाजाचे खासदार श्री राम वडकुते साहेब, जतचे डॅशिंग आमदार गोपीचंद पडळकर, शिराळ्याचे आमदार सत्यजित देशमुख, आमदार सदाभाऊ खोत, भाजपाचे जिल्हाध्यक्ष सम्राट महाडिक, शिवसेनेचे जिल्हाप्रमुख आनंदराव पवार, महायुतीचे जवळपास सर्वच पदाधिकारी आणि कार्यकर्ते उपस्थित होते त्याचबरोबर धनगर समाज बांधव आपल्या सहकुटुंब, सह परिवार हजारोंच्या संख्येने उपस्थित होते.