शिवसेनेने निवडणूक रणशिंग फुंकला निवडणूक तयारीला वेग; मालपाणी लॉन्स येथे शिवसेना कार्यकर्त्यांना मार्गदर्शन

आगामी निवडणुकांच्या पार्श्वभूमीवर संघटनात्मक बांधणी अधिक मजबूत करण्याच्या उद्देशाने शिवसेना संगमनेर व अकोले विधानसभा यांच्या वतीने संगमनेर येथील मालपाणी लॉन्स येथे BLA प्रशिक्षण आणि SIR माहिती शिबिर उत्साहात व यशस्वीरीत्या संपन्न झाले. या शिबिराला पदाधिकारी, बूथ लेव्हल एजंट (BLA), शिवसैनिक आणि कार्यकर्त्यांची मोठ्या प्रमाणात उपस्थिती लाभली.
कार्यक्रमात निवडणूक आयोगाचे माजी उपायुक्त मा. अविनाश सणस साहेब यांनी उपस्थितांना मार्गदर्शन करताना मतदार यादी पुनरीक्षण प्रक्रिया, विशेष संक्षिप्त पुनरीक्षण (SIR), मतदान केंद्रनिहाय नियोजन, मतदार नोंदणीतील आवश्यक बाबी तसेच BLA यांच्या जबाबदाऱ्या याबाबत सखोल माहिती दिली. निवडणूक प्रक्रियेत बूथस्तरावरील कामाचे महत्त्व अधोरेखित करत त्यांनी संघटनेच्या प्रत्येक कार्यकर्त्याने दक्षतेने व जबाबदारीने काम करण्याचे आवाहन केले.
या प्रशिक्षण शिबिरामध्ये मतदारसंघातील प्रत्येक बूथ अधिक सक्षम करण्यासाठी आवश्यक असलेल्या उपाययोजना, संघटनात्मक बळकटीकरण, निवडणूकपूर्व तयारी आणि कार्यकर्त्यांचे प्रभावी नियोजन यावर विशेष भर देण्यात आला. उपस्थितांनी विविध विषयांवर प्रश्न विचारून मार्गदर्शनाचा लाभ घेतला.
शिवसेना संगमनेर व अकोले विधानसभा मतदारसंघातील सर्व पदाधिकारी, BLA-1, सर्व BLA आणि शिवसैनिकांनी मोठ्या संख्येने उपस्थित राहून कार्यक्रम यशस्वी केला. आगामी निवडणुकांमध्ये संघटना अधिक सक्षम, सजग आणि विजयासाठी सज्ज करण्याच्या दृष्टीने हे प्रशिक्षण शिबिर महत्त्वपूर्ण ठरल्याची भावना उपस्थितांनी व्यक्त केली.
कार्यक्रमाच्या यशस्वी आयोजनासाठी परिश्रम घेतलेल्या सर्व पदाधिकारी, कार्यकर्ते व आयोजकांचे यावेळी विशेष आभार मानण्यात आले.