'शब्दांच्या पलीकडले...!'आता ब्रेल लिपीमध्ये अंधशाळा शिक्षिका प्रतिभा सेनगुप्ता करणार ब्रेल लिपी मध्ये भाषांतर

सुरेश शामराव ठाकूर यांचे 'शब्दांच्या पलीकडले' हे पुस्तक आता ब्रेल लिपीमध्ये येत आहे.पुणे येथे अंधशाळेत गेली 28 वर्षे शिक्षिका म्हणून सेवा केलेल्या आदर्श शिक्षिका प्रतिभा प्रणव सेनगुप्ता याचे ब्रेल लिपी मध्ये भाषांतर करणार आहेत. आजच त्यांनी सुरेश ठाकूर यांच्याकडून त्या भाषांतराची अधिकृत परवानगी घेतली. सेन गुप्ता म्हणाल्या 'हे पुस्तक मराठीची ओढ असणाऱ्या प्रत्येक घरासाठी आणि घरातल्या प्रत्येकासाठी असले तरी माझ्या अंधबांधवांपर्यंत ते जाऊ शकत नाही. कारण ते अंध बांधव शब्द प्रकाशाच्या पलीकडची असतात. सुरेश ठाकूर यांचे हे पुस्तक मला स्वतःला फार भावले असून त्यातील 111 शब्द महाराष्ट्रातील अंध मुलांपर्यंत जाऊन पोहोचावेत. त्यांच्यापर्यंत हा शब्द प्रकाश पोहोचवावा असा मनात विचार आल्यामुळे मी सुरेश ठाकूर यांच्याकडे ब्रेल लिपीतील भाषांतराची परवानगी मागितलेली होती. लवकरच त्याची प्रत मी सुरेश ठाकूर यांना नमुना प्रत म्हणून पाठवेन.त्या पुस्तकातील एका पानावर देव नागरी आणि दुसऱ्या पानावर ब्रेल लिपी अशी त्याची रचना असेल.प्रतिभा सेनगुप्ता या मंडणगड येथे कोकणातील एकमेव असे अंध विद्यालय चालवत असून शब्दांच्या पलीकडले या पुस्तकातील 111 शब्दांचे कुळ आणि मूळ अंध बांधवांपर्यंत पर्यंत पोहोचविण्याच्या प्रयत्न करणार आहेत. सदर पुस्तकाला कोकण मराठी साहित्य परिषदेचे संस्थापक अध्यक्ष आदरणीय मधु मंगेश कर्णिक यांचे शुभाशीर्वाद लाभले असून त्यांनीही या सेवाभावी कार्याबद्दल प्रतिभा सेनगुप्ता यांचे अभिनंदन केलेले आहे.या पुस्तकाला सिंधुदुर्ग जिल्ह्यातील माजी उपशिक्षणाधिकारी रामचंद्र आंगणे यांची अभ्यासपूर्ण प्रस्तावना लाभली असून सध्या या पुस्तकाचे अभिवाचन रश्मी आंगणे , कोकण मराठी साहित्य परिषदेच्या युट्युब चॅनेल वरून करीत आहेत.त्यालाही भरघोस प्रसिद्ध मिळत आहे. सुरेश ठाकूर यांचे हे पुस्तक ब्रेल लिपीत येत असल्यामुळे त्यांचे सर्व थरातून अभिनंदन होत आहे*