शाहूवाडी बांबवड्यात FDA चा थरार! नामांकित हॉटेल्स, बेकऱ्यांवर धाडी; ग्राहकांना सोडून मालक पळाले

शाहूवाडी तालुक्यातील बांबवडे परिसरामध्ये अन्न व औषध प्रशासन (FDA) विभागाने अत्यंत गोपनीय पद्धतीने सर्वात मोठी आणि धडक कारवाई केली आहे. बांबवड्यातील हॉटेल्स, बेकरी आणि महामार्गावरील धाब्यांवर अचानक पडलेल्या या धाडींमुळे संपूर्ण तालुक्यात एकच खळबळ उडाली आहे. खळबळजनक बाब म्हणजे, हॉटेलमध्ये ग्राहकांची गर्दी असतानाच कारवाईच्या भीतीने मालकांनी ग्राहकांना तसेच सोडून दुकानांची शटर डाऊन केली आणि तिथून पळ काढला! आज, १५ जुलै २०२६ रोजी झालेल्या या कारवाईने भेसळ करणाऱ्यांचे धाबे दणाणले आहेत.कारवाईची एवढी धास्ती की परिसर झाला 'ब्लॅक आऊट'!अन्न व औषध प्रशासनाने या छाप्याची माहिती अत्यंत गुप्त ठेवली होती. मात्र, बांबवड्यात शासकीय गाड्यांचा ताफा शिरताच अनेक हॉटेल आणि बेकरी चालकांची मोठी पळापळ झाली. या कारवाईचा धसका एवढा मोठा होता की, गोगवे, डोणोली आणि आजूबाजूच्या परिसरातील धाबेचालकांनी कुठलीही रिस्क न घेता आपले धाबे तातडीने बंद केले आणि संपूर्ण परिसरात शुकशुकाट पसरला.नागरिकांच्या जीवाशी खेळणाऱ्यांचा होणार गेम; नमुने जप्त!संशयास्पद आणि भेसळयुक्त अन्नपदार्थांचे अनेक नमुने पथकाने जागेवरच जप्त केले असून ते तपासणीसाठी प्रयोगशाळेत पाठवण्यात आले आहेत. लॅबचा अहवाल येताच नागरिकांच्या आरोग्याशी खेळणाऱ्या एकाही दोषीला सोडणार नाही, थेट कडक कायदेशीर आणि फौजदारी कारवाई करणार, असा इशारा अन्न व औषध प्रशासनाच्या अधिकाऱ्यांनी दिला आहे. या कारवाईमुळे परिसरात अजूनही तणावाचे वातावरण आहे.