सिंधू बँक स्टाफ सोसायटी ची 40 वी वार्षिक सर्वसाधारण सभा पत्रकार भवन, सिंधुदुर्गनगरी ओरोस येथे उत्साहात संपन्न.

सिंधू बँक स्टाफ सोसायटी ची 40 वी वार्षिक सर्वसाधारण सभा पत्रकार भवन, सिंधुदुर्गनगरी ओरोस येथे उत्साहात संपन्न झाली. यावेळी सिंधुदुर्ग जिल्हा बँकेचे अध्यक्ष मा.मनीषजी दळवी, मुख्य कार्यकारी अधिकारी मा. अनिरुद्ध देसाई, स्टाफ सोसायटी चे अध्यक्ष निलेश कनयाळकर, उपाध्यक्ष दत्ता कोरगावकर, सचिव सुनील फणसेकर, उप मुख्य कार्यकारी अधिकारी मा. प्रमोद गावडे, कार्यलक्षी संचालक दिवाकर देसाई, कर्मचारी प्रतिनिधी देवेंद्र धुरी, युनियन सेक्रेटरी दिगंबर गवाणकर, सर्व संचालक मंडळ, सभासद आणि कर्मचारी वर्ग उपस्थित होते. यावेळी संस्थेच्या प्रत्येक सभासदांसाठी रुपये 10 लाखाचा विमा स्टाफ सोसायटी मार्फत उतरविण्यात येणार असल्याचा ठराव सर्वानुमते मंजूर करणेत आला, यासाठी उपस्थित सभासदांनी संचालक मंडळाचे विशेष अभिनंदन केले.

यावेळी बँकेचे अध्यक्ष मा. मनीषजी दळवी यांनी बोलताना स्टाफ सोसायटी च्या आर्थिक प्रगती बद्दल समाधान व्यक्त केले तसेच संस्थेच्या पुढील वाटचालीस शुभेच्छा देऊन बँक खंबीरपणे संस्थेच्या पाठीशी असल्याची ग्वाही दिली. बँकेचे मुख्य कार्यकारी अधिकारी मा. अनिरुद्ध देसाई यांनी संस्थेच्या धोरणात्मक बदलामध्ये आपले पूर्ण पणे मार्गदर्शन असेल असे आश्वासन देऊन संस्थेच्या कामकाजचे कौतुक केले. संस्था अध्यक्ष निलेश कनयाळकर यांनी आपल्या मनोगतात संस्थेचा कारभार पारदर्शक पणे चालवीणार असल्याचे अधोरेखित केले. उपाध्यक्ष दत्ता कोरगावकर यांनी प्रास्थाविकात संस्थेचा आर्थिक लेखा जोका मांडून संस्थेचा आर्थिक प्रगतीचा अहवाल सादर केला. यावेळी संस्थेच्या सभासदांच्या पाल्यांचा शैक्षणिक उपक्रमात उल्लेखनीय कामगिरी केल्याबद्दल स्टाफ सोसायटी च्या वतीने मान्यवारांच्या हस्ते सत्कार करण्यात आला. यावेळी संस्था सभासदांची उपस्थित उल्लेखनीय होती.
यावेळी मान्यवरांसोबत व्यासपीठावर संस्था संचालक पूर्णाणंद सरमळकर, राजेंद्र गावकर, रोहन म्हापसेकर, जयेश सावंत, बाबुराव ठाकूर, संतोष कोणकर, श्यामसुंदर गवस, सतीश आटक, उल्हास रनशूर, पद्माकर ठाकूर, विश्वनाथ डोर्लेकर, युगा पेडणेकर, अनिता राठोड, कर्मचारी सौ. खोत, सौ. बंगे, रमेश परब आदी उपस्थित होते. कार्यक्रमाचे सूत्रसंचालन सचिव सुनील फणसेकर, प्रास्ताविक उपाध्यक्ष दत्ता कोरगावकर तर आभार संचालक लक्ष्मण लिंगायत यांनी मानले.