शिव व्यापार व रोजगार सेनेच्या कोकण विभाग संपर्क प्रमुखपदी शंकर पार्सेकर यांची नियुक्ती

हिंदुहृदयसम्राट वंदनीय बाळासाहेब ठाकरे यांच्या तेजस्वी हिंदुत्ववादी विचारांचा वारसा तसेच धर्मवीर आनंद दिघे यांच्या जनसेवेच्या प्रेरणेतून आणि शिवसेना मुख्य नेते एकनाथ शिंदे यांच्या नेतृत्वाखाली कार्यरत असलेल्या शिवसेनेची अंगीकृत संघटना शिव व्यापार व रोजगार सेना यांच्या वतीने श्री. शंकर पांडुरंग पार्सेकर यांची कोकण विभाग संपर्क प्रमुख या महत्त्वपूर्ण पदावर नियुक्ती करण्यात आली आहे.

श्री. पार्सेकर यांचे संघटन कौशल्य, समाजाशी असलेली घट्ट नाळ, कार्यकर्त्यांप्रती असलेली आत्मीयता तसेच जनतेच्या प्रश्नांसाठी झटण्याची जिद्द लक्षात घेऊन ही जबाबदारी त्यांच्यावर सोपविण्यात आली आहे. ते ही जबाबदारी पूर्ण प्रामाणिकपणे, निष्ठेने आणि कर्तव्यभावनेने पार पाडतील, असा विश्वास संघटनेच्या पदाधिकाऱ्यांनी व्यक्त केला.

श्री. पार्सेकर यांच्या माध्यमातून शिवसेनेची विचारधारा अधिक प्रभावीपणे घराघरांत पोहोचेल, बेरोजगार युवकांना रोजगाराच्या नव्या संधी उपलब्ध होतील, व्यापारी वर्गाच्या समस्या सोडविण्यासाठी संघटना अधिक सक्षमपणे कार्य करेल तसेच समाजहिताची विविध कामे अधिक वेगाने पुढे जातील, अशी अपेक्षा यावेळी व्यक्त करण्यात आली.

ही नियुक्तीपत्रिका संघटनेचे कार्यकारी अध्यक्ष श्री. शैलेश आर. जायस्वाल यांच्या हस्ते प्रदान करण्यात आली. यावेळी संस्थापक अध्यक्ष श्री. ज्ञानेश्वर सहदेव सावंत यांची प्रमुख उपस्थिती होती.