रामटेकमध्ये श्री दुर्गा माता दौड उत्साहात संपन्न; सकल हिंदू समाजाचा पुढाकार

रामटेक : नवरात्रोत्सवानिमित्त रविवार, १८ ऑक्टोबर रोजी रामटेक येथे सकल हिंदू समाजाच्या वतीने श्री दुर्गा माता दौडीचे आयोजन करण्यात आले. सकाळी ठीक ६ वाजता छत्रपती शिवाजी महाराज स्मारक येथून दौडीला प्रारंभ झाला.

या दौडीचा मार्ग आंबेडकर चौक, गांधी चौक मार्गे कुमारिका देवी मंदिर असा होता. कुमारिका देवी मंदिर येथे आरती करून दौडीची सांगता करण्यात आली.

नवरात्रीच्या नऊ दिवसांमधून एक तास दुर्गा माता दौडीसाठी देण्याचे आवाहन आयोजकांनी केले होते. धार्मिक श्रद्धा, संस्कृती आणि सामाजिक एकतेचा संदेश देणाऱ्या या उपक्रमात नागरिकांनी सहभाग घेतला.

या आयोजनात सागर गेरवाल, ईशान कठाणे, तुषार सावरकर, सागर चरडे, अजय चांदेकर, वैभव उराडे, कुणाल महाजन, शिवम जेजल, राजू महाजन, हर्षल धामट, हरेश ठाकरे यांच्यासह इतरांनी सहभाग घेतला.