ज्येष्ठ शिक्षणमहर्षी डॉ. डी. वाय. पाटील यांच्या निधनाने मोठी पोकळी; वैभव नाईक यांच्याकडून श्रद्धांजली

शिक्षणमहर्षी, माजी राज्यपाल तथा पद्मश्री डॉ. डी. वाय. पाटील यांच्या दुःखद निधनाने शिक्षण, आरोग्य, क्रीडा, समाजकारण आणि राजकारण या विविध क्षेत्रांत मोठी पोकळी निर्माण झाली आहे, अशी भावना कुडाळ-मालवण विधानसभा मतदारसंघाचे माजी आमदार वैभव नाईक यांनी व्यक्त केली.
डॉ. डी. वाय. पाटील यांच्या निधनानंतर त्यांच्या कुटुंबीयांची भेट घेऊन वैभव नाईक यांनी सांत्वन केले. यावेळी त्यांनी डॉ. पाटील यांच्या कार्याला श्रद्धांजली अर्पण केली.
डॉ. डी. वाय. पाटील यांनी शिक्षण, आरोग्य, क्रीडा, समाजकारण तसेच राजकारणाच्या माध्यमातून केलेले कार्य अत्यंत मोठे आहे. त्यांच्या निधनामुळे या सर्वच क्षेत्रांत मोठी पोकळी निर्माण झाली असून, त्यांच्या कार्याचा ठसा कायम स्मरणात राहील, असे वैभव नाईक यांनी सांगितले.
यावेळी उद्योजक प्रशांत पोळके, स्वरूप कदम, संतोष गाडगीळ, विनय चौगुले आदी उपस्थित होते.