"आषाढी एकादशीच्या निमित्ताने श्री विठ्ठल रुक्मिणी मंदिर आणि चंद्रभागा नदीचे भाविकांनी घेतले मनोभावे दर्शन"

देवशयनी आषाढी एकादशीचे औचित्य साधून चंद्रभागा नदीत स्नान करून चंद्रभागा नदीचे दर्शन घेऊन जगाचे दैवत श्री विठ्ठल रुक्मिणी माता यांचे दर्शन मनोभावे घेण्यासाठी अंतकरणापासून नामस्मरण करीत कोणाची वाऱ्याची कसलीही तमा न बाळगता हसत खेळत "ज्ञानोबा तुकारामाच्या जयघोषामध्ये ,पुंडलिक ,वरदे हरी विठ्ठलच्या" घोषणांनी नाचत ,बागडत उपस्थिती दाखवून असंख्य भाविक भक्तांनी आनंद व्यक्त केल्याचे चित्र दिसून आले. आज पंढरपूर नगरीला दिव्य भव्य असे स्वरूप प्राप्त झाले होते .आज पंढरीकडे पाहता वर्णन कोणत्या शब्दांमध्ये करावे हे सुद्धा अनेक साहित्यिकांना सुद्धा मोठा प्रश्न पडला होता. इतकं सौंदर्य पंढरपूर मध्ये दिसून येत होतं. आज असंख्य भाविक भक्तांच्या चेहऱ्यावरती चंद्रभागा नदी आणि श्री विठ्ठल रुक्मिणी मातेचे दर्शन घेतल्यामुळे मोठे तेज दिसून आले. जागोजागी भगव्या पता की आणि पांढऱ्या शुभ्र वारकरी वेशांमध्ये गळ्यामध्ये विना टाळ चिपळी कपाळी गंध अशा प्रकारचे चित्र संपूर्ण पंढरपूर मध्ये दिसून आले.