तासगावात शेकडो विद्यार्थ्यांचा सही मोहिमेव्दारे संताप; दिल्लीतील विद्यार्थी आंदोलनावरील लाठीहल्ल्याचा तीव्र निषेध!

​
दिल्ली येथील विद्यार्थी आंदोलनावर झालेल्या अमानुष लाठीहल्ल्याचा निषेध करण्यासाठी तासगाव येथे 'सर्व संवेदनशील पालक, विद्यार्थी आणि नागरिक' यांच्या वतीने नुकतेच एकमुखी निषेध सही अभियान राबवण्यात आले. स्थानिक डॉ. बाबासाहेब आंबेडकर यांच्या पुतळ्यास पुष्पहार अर्पण करून व वंदन करून या अभियानाची अत्यंत उत्साहात व प्रभावीपणे सुरुवात करण्यात आली.
​महाविद्यालयातील शेकडो विद्यार्थ्यांनी या अभियानात अतिशय जोरकसपणे सहभाग नोंदवत आपल्या स्वाक्षऱ्या केल्या. "या अभियानामुळे आमच्या भावनांना योग्य वाट मोकळी करून देण्याची संधी मिळाली," अशी भावना यावेळी सहभागी विद्यार्थ्यांनी व्यक्त केली.
​या मोहिमेदरम्यान रस्त्यावरून ये-जा करणाऱ्या नागरिकांनीही या आंदोलनाची उत्स्फूर्त दखल घेतली. शेतकरी आंदोलन, कुस्तीगीर महिलांचे आंदोलन आणि आता निरागस विद्यार्थ्यांच्या आंदोलनावर सरकारकडून झालेल्या अत्याचाराबद्दल नागरिकांच्या मनात प्रचंड रोष व असंतोष दिसून आला. चाललेल्या घटनेबद्दल उपस्थितांनी तीव्र शब्दांत निषेध नोंदवला.
​हे अभियान यशस्वी करण्यासाठी डॉ. बाबुराव गुरव, प्रा. वासुदेव गुरव, प्रा. राजेश रोमन, पांडुरंग जाधव, समीर कोळी, सुधीर नलवडे, अर्जुन थोरात, नूतन परिट, सुजाता म्हेत्रे मॅडम, विशाल खाडे सर, सुधाकर कोळी, बाबुराव जाधव, भरत थोरात, दत्तात्रय बामणे, सूर्यकांत शिंदे, ऋतुजा खोत आणि अमर खोत यांचे बहुमूल्य व विशेष योगदान लाभले.