"खरसुंडीत धैर्यशील दादा कदम यांचे जल्लोषात स्वागत; सर्वसामान्य कार्यकर्त्यांच्या भेटीने भाजपमध्ये उत्साह"

सांगली-सातारा विधान परिषदेचे नवनिर्वाचित आमदार धैर्यशील दादा कदम यांनी खरसुंडी येथे कार्यकर्त्यांच्या भेटीगाठी घेतल्या. त्यांच्या आगमनानिमित्त गावात ठिकठिकाणी उत्साहात स्वागत व सत्कार करण्यात आला.

खरसुंडी येथे भाजपचे सांगली जिल्हा महामंत्री विलासराव काळेबाग, सरपंच धोंडीराम इंगवले तसेच माजी सरपंच अर्जुन पुजारी यांच्या हस्ते आमदार कदम यांचा शाल, फेटा व श्रीफळ देऊन सत्कार करण्यात आला.

सांगली-सातारा विधान परिषदेचे आमदार म्हणून प्रथमच खरसुंडी येथे भेट देत सर्वसामान्य कार्यकर्त्यांशी त्यांनी संवाद साधल्याने भाजप कार्यकर्त्यांमध्ये उत्साहाचे वातावरण निर्माण झाले. निष्ठावंत कार्यकर्त्यांनीही समाधान व्यक्त करत आमदार कदम यांचे स्वागत केले.

यानंतर आमदार कदम यांनी श्री सिद्धनाथ मंदिर येथे जाऊन दर्शन घेतले. मंदिर परिसरातही त्यांचा सन्मान करण्यात आला.

यावेळी आरपीआयचे सांगली जिल्हाध्यक्ष राजेंद्र बापू खरात, ग्रामपंचायत सदस्य किरण पुजारी, विक्रम भिसे, छगन साळुंखे, एकनाथ भोसले, किरण भांगे, तानाजी क्षीरसागर, तानाजी कटरे, संजय कोळेकर, तानाजी पुजारी तसेच बहुसंख्य महिला व भाजप कार्यकर्ते उपस्थित होते.