पालकमंत्री मेघना साकोरे-बोर्डीकर यांच्या आवाहनाला उत्स्फूर्त प्रतिसाद

जागतिक पर्यावरण दिनानिमित्त राज्याच्या राज्यमंत्री तथा परभणी जिल्ह्याच्या पालकमंत्री मेघना साकोरे-बोर्डीकर यांनी केलेल्या वृक्षारोपणाच्या आवाहनाला प्रतिसाद देत भारतीय जनता पक्षाच्या जिंतूर शहर मंडळाच्या वतीने क्रीडा संकुल परिसरात १०१ वृक्षांचे वृक्षारोपण करण्यात आले.
पर्यावरण संवर्धन, हरित परिसर निर्मिती आणि भावी पिढ्यांसाठी स्वच्छ वातावरण उपलब्ध व्हावे या उद्देशाने आयोजित करण्यात आलेल्या या उपक्रमात कार्यकर्ते, पदाधिकारी व नागरिकांनी उत्साहाने सहभाग नोंदविला. वृक्षारोपणानंतर लावलेल्या रोपांचे संगोपन करण्याचा निर्धारही उपस्थितांनी व्यक्त केला.यावेळी नगराध्यक्ष प्रताप देशमुख, गटनेते सचिन गोरे, उपाध्यक्ष मोहसीन खान, नगरसेवक किशोर जाधव व असेफ खान, मंडळाध्यक्ष विलास भंडारे, उपक्रमाचे संयोजक समीर जानीमियाँ, किसान मोर्चा मंडळाध्यक्ष सचिन रायपत्रीवार, बंटी जाधव, विजय जाधव, राजेश राठोड, शाहरुख सर, ताठे, सय्यद नसीर, रमेश संगेकर, अनिल मेटागळे, जोशी सर तसेच विद्यार्थी व भाजपाचे पदाधिकारी मोठ्या संख्येने उपस्थित होते. यावेळी उपस्थित मान्यवरांनी पर्यावरण संरक्षणासाठी प्रत्येक नागरिकाने किमान एक झाड लावून त्याचे संगोपन करावे, असे आवाहन केले. शहरातील हरित क्षेत्र वाढविण्यासाठी अशा उपक्रमांची सातत्याने अंमलबजावणी केली जाणार असल्याचेही पदाधिकाऱ्यांनी सांगितले.

जिंतूर येथील क्रीडा संकुल परिसरात भाजप शहर मंडळाच्या वतीने आयोजित वृक्षारोपण उपक्रमात सहभागी झालेले पदाधिकारी व कार्यकर्ते.