बहुजन समाज कलावंत परिषद महाराष्ट्र राज्य या संघटनेच्या पश्चिम महाराष्ट्र संपर्क प्रमुखपदी महाराष्ट्रातील प्रसिद्ध तमाशा कलावंत, विनोद मूर्ती गोरख पाचेगावकर यांची निवड

सांगोला: बहुजन समाज कलावंत परिषद महाराष्ट्र राज्य या संघटनेच्या पश्चिम महाराष्ट्र संपर्क प्रमुखपदाची धुरा महाराष्ट्रातील प्रसिद्ध तमाशा कलावंत आणि विनोद मूर्ती श्री. गोरख पाचेगावकर यांच्याकडे सोपवण्यात आली आहे. संघटनेच्या वरिष्ठ पदाधिकाऱ्यांच्या उपस्थितीत नुकतीच ही घोषणा करण्यात आली.
गोरख पाचेगावकर हे नाव महाराष्ट्राच्या लोकधारेत आणि तमाशा क्षेत्रात अत्यंत आदराने घेतले जाते. महाराष्ट्रातील एक 'अजोड सोंगाड्या' म्हणून त्यांची एक वेगळीच ओळख आहे. आपल्या अचूक टायमिंगने, दर्जेदार विनोदाने आणि कसदार अभिनयाने त्यांनी गेली अनेक वर्षे प्रेक्षकांच्या मनावर अधिराज्य गाजवले आहे.
त्यांच्या लोकप्रियतेची पाळेमुळे ग्रामीण भागात किती घट्ट रुजली आहेत, याचे उदाहरण म्हणजे अनेक गावांमध्ये यात्रेचे कार्यक्रम ठरवताना गावकरी आणि कमिटीचे लोक तमाशा मालकाला
पाचेगावकर तमाशात असणे म्हणजेच कार्यक्रमाच्या यशाची शंभर टक्के खात्री, असे समीकरण आज ग्रामीण महाराष्ट्रात बनले आहे.
कलावंतांच्या हक्कासाठी नवे व्यासपीठ
गोरख पाचेगावकर यांच्या या अफाट लोकसंग्रहाचा आणि अनुभवाचा फायदा पश्चिम महाराष्ट्रातील तमाशा, लोककला आणि इतर क्षेत्रांतील बहुजन कलावंतांना संघटित करण्यासाठी होणार आहे. आपल्या निवडीबद्दल बोलताना पाचेगावकर यांनी पक्ष आणि संघटनेच्या सर्व वरिष्ठांचे आभार मानले असून, कलावंतांच्या अडीअडचणी सोडवण्यासाठी आपण कटिबद्ध राहू, असा विश्वास व्यक्त केला.
या गुणी आणि लोकमान्य कलावंताची पश्चिम महाराष्ट्र संपर्क प्रमुखपदी निवड झाल्याबद्दल कलाक्षेत्रातून, राजकीय व सामाजिक स्तरातून आणि त्यांच्या असंख्य चहात्यांकडून त्यांच्यावर हार्दिक अभिनंदन आणि पुढील वाटचालीस भरघोस शुभेच्छांचा वर्षाव होत आहे!