वझर बु.चा जिल्ह्यात डंका; युवा सरपंच अर्जुन मते यांचा राज्यमंत्र्यांच्या हस्ते गौरव

जिंतूर: वझर बु. (तालुका जिंतूर) ग्रामपंचायतीने आरोग्य क्षेत्रात उल्लेखनीय कामगिरी करत जिल्हास्तरावर प्रथम क्रमांक पटकावला असून, या ऐतिहासिक यशाबद्दल ग्रामपंचायतीचे तरुण आणि तडफदार युवा सरपंच अर्जुन गोविंदराव मते यांचा 'लोकमत' समूहाच्या वतीने राज्याच्या राज्यमंत्री मेघनादीदी बोर्डीकर यांच्या हस्ते गौरव चिन्ह देऊन जाहीर सत्कार करण्यात आला. अत्यंत दिमाखदार सोहळ्यात पार पडलेल्या या पुरस्कार वितरण सोहळ्याप्रसंगी जिल्ह्यातील विविध क्षेत्रांतील अनेक राजकीय, सामाजिक व शासकीय मान्यवर प्रामुख्याने उपस्थित होते. वझर बु. सारख्या ग्रामीण भागातील ग्रामपंचायतीला आपल्या कल्पक आणि प्रभावी कार्यपद्धतीने थेट जिल्हास्तरावर अव्वल स्थानी झळकवल्याबद्दल, तसेच गावाचा नावलौकिक वाढवल्याबद्दल युवा सरपंच अर्जुन मते यांच्यावर सध्या संपूर्ण जिल्ह्यातून, राजकीय वर्तुळातून आणि सर्व स्तरातून कौतुक आणि अभिनंदनाचा वर्षाव होत आहे.