माण तालुक्यातील पुकळेवाडी गावाची कन्या डॉ. स्नेहा भास्कर पुकळे हिने 'NEET-PG 2025' वैद्यकीय प्रवेश परीक्षेत संपूर्ण महाराष्ट्र राज्यात चौथा (४ था) NT-2 प्रवर्ग)( State Merit List १९५)क्रमांक पटकावून तालुक्याच्या शिरपेचात मानाचा तुरा रोवला आहे. तिच्या या घवघवीत यशामुळे तिची शासकीय वैद्यकीय महाविद्यालय, नागपूर )येथे MD (General Medicine) या अत्यंत प्रतिष्ठेच्या शाखेमध्ये प्रवेशासाठी निवड झाली आहे.
डॉ. स्नेहा ही सहाय्यक पोलीस आयुक्त (ACP) श्री. भास्कर नाना पुकळे यांची कन्या आहे. अत्यंत चुरशीच्या असलेल्या या राष्ट्रीय पातळीवरील परीक्षेत तिने महाराष्ट्रात चौथे स्थान मिळवून आपल्या बुद्धिमत्तेची आणि कष्टाची चुणूक दाखवून दिली.
तिच्या या अभूतपूर्व यशाबद्दल पुकळेवाडी गावासह संपूर्ण माण तालुक्यातून तिच्यावर कौतुकाचा वर्षाव होत आहे. ग्रामीण भागातील मुलींनी जिद्द आणि चिकाटीच्या जोरावर उच्च ध्येय गाठले, तर त्या कोणत्याही क्षेत्रात अव्वल येऊ शकतात, हेच स्नेहाने आपल्या यशातून सिद्ध केले आहे, अशा भावना ग्रामस्थांनी व्यक्त केल्या.
तिच्या या यशाबद्दल समस्त ग्रामस्थ पुकळेवाडी यांच्या वतीने तिचे हार्दिक अभिनंदन करण्यात येत असून, पुढील वैद्यकीय प्रवासासाठी आणि भावी वाटचालीस शुभेच्छा देण्यात आल्या आहेत.
⚡ ब्रेकिंग NEWS