ईश्वरपूर मध्ये अहिल्यादेवी जयंती निमित्त 13 जुन रोजी भव्य दिव्य मिरवणूक

अखंड धनगर समाजाचे श्रद्धास्थान पुण्यश्लोक राजमाता अहिल्यादेवी होळकर यांच्या 301 व्या जयंतीनिमित्त महाराष्ट्र राज्याचे माजी मंत्री श्री आण्णासाहेब डांगे यांच्या प्रमुख मार्गदर्शनाखाली धनगर समाज महासंघातर्फे श्री राजेंद्र उर्फ चिमणभाऊ डांगे आणि विश्वनाथ रामचंद्र डांगे यांच्या नेतृत्वाखाली शनिवार दिनांक 13 जून रोजी भव्य अशा मिरवणुकीचे आयोजन करण्यात आलेले आहे. ईश्वरपूर शहरातील छत्रपती शिवाजी महाराज पुतळा शिवतीर्थ, तहसीलदार कार्यालय येथून दुपारी तीन वाजता मिरवणुकीला सुरुवात होईल.यामध्ये महाराष्ट्र तसेच कर्नाटक राज्यातील 21 महंत तसेच सर्व प्रमुख मानकरी उपस्थित राहणार आहेत. या मिरवणुकीमध्ये उंट,घोडे, जिवंत देखावे, पारंपारिक वाद्य धनगरी ढोल कैताळ, इत्यादीचा समावेश असणार आहे. सर्व समाज बांधवांनी आपल्या पारंपारिक धनगरी पोशाखात मोठ्या प्रमाणावर मिरवणुकीमध्ये सहभागी व्हावे असे आव्हान धनगर समाज महासंघ तर्फे करण्यात आले आहे.