शिष्यवृत्ती परीक्षेत मिलिंद सदानंद पवार शाळेचे घवघवीत यश

देवगड (प्रतिनिधी) : एप्रिल २०२६ मध्ये घेण्यात आलेल्या शिष्यवृत्ती परीक्षेत देवगड येथील मिलिंद सदानंद पवार पूर्व प्राथमिक शाळेच्या विद्यार्थ्यांनी उल्लेखनीय यश संपादन केले आहे. या परीक्षेत शाळेच्या पाच विद्यार्थ्यांनी यश मिळवत शाळेच्या शैक्षणिक गुणवत्तेची परंपरा कायम राखली आहे.

या यशामध्ये कु. अनुश्री स्वप्निल पवार हिने ८४ टक्के गुण मिळवून देवगड तालुक्यात प्रथम क्रमांक, तसेच सिंधुदुर्ग जिल्ह्यात नववा क्रमांक मिळवला आहे.

कु. वर्धन निवास शिंदे याने ७९.३३ टक्के गुणांसह तालुक्यात चौथा व जिल्ह्यात २१वा क्रमांक, तर कु. आराध्य उदय परब याने ७९.३३ टक्के गुणांसह तालुक्यात पाचवा व जिल्ह्यात २२वा क्रमांक पटकावला.

तसेच कु. रोशन केदार सावंत याने ७४.६६ टक्के गुण मिळवून तालुक्यात सहावा व जिल्ह्यात ४३वा क्रमांक, तर कु. सुखदा सुमित नार्वेकर हिने ७४ टक्के गुणांसह तालुक्यात सातवा व जिल्ह्यात ४७वा क्रमांक मिळवत यश संपादन केले.

विद्यार्थ्यांच्या या उल्लेखनीय कामगिरीबद्दल प्रशालेचे मुख्याध्यापक प्रवीण खडपकर, शाळा समितीचे अध्यक्ष चंद्रकांत शिंगाडे, सर्व संस्था पदाधिकारी, शिक्षक व शिक्षकेतर कर्मचारी यांनी यशस्वी विद्यार्थ्यांचे अभिनंदन करून त्यांच्या पुढील शैक्षणिक वाटचालीस शुभेच्छा दिल्या.