आमडी गावातील युवकांचा शिवसेनेत प्रवेश; राज्यमंत्री आशिष जयस्वाल यांच्या उपस्थितीत पक्षप्रवेश

रामटेक : शिवसेनाप्रमुख बाळासाहेब ठाकरे यांच्या हिंदुत्ववादी विचारांचा वारसा आणि महाराष्ट्राचे लोकप्रिय उपमुख्यमंत्री तथा शिवसेना मुख्य नेते एकनाथ शिंदे, तसेच राज्यमंत्री आमदार आशिष जयस्वाल यांच्या विकासाभिमुख नेतृत्वावर विश्वास व्यक्त करत रामटेक तालुक्यातील आमडी गावातील अनेक युवकांनी शिवसेनेत जाहीर प्रवेश केला.

गुरुवार, १५ ऑक्टोबर २०२६ रोजी राज्यमंत्री आमदार आशिष जयस्वाल यांच्या रामटेक येथील जनसंपर्क कार्यालयात हा पक्षप्रवेश सोहळा पार पडला. यावेळी तालुका प्रमुख राजू भोसकर उपस्थित होते.

याप्रसंगी बोलताना राज्यमंत्री आशिष जयस्वाल यांनी युवकांचा वाढता प्रतिसाद आणि विश्वास ही संघटनेची खरी ताकद असल्याचे सांगितले. युवकांच्या हक्कांसाठी, सर्वसामान्यांच्या प्रश्नांसाठी आणि समाजाच्या हितासाठी शिवसेना सदैव खंबीरपणे उभी राहील, असा विश्वास त्यांनी व्यक्त केला.

या पक्षप्रवेश सोहळ्यात पारशिवणी तालुक्यातील आमडी गावातील नकुल सलामे, मयूर केळवदे, आकाश धुर्वे, राकेश डायरे, आझाद केळवदे, रोहित डडोरे, विशाल केळवदे, चेतराम केळवदे, दिलीप टेकाम, विनोद सोनवाने, फुलचंद देऊळकर, उमेश लोहारे, जगदीश शिवरकर, अनिल शाह, महेश केळवदे, नंदकिशोर बावणे, आकाश बोरीकर आणि आकाश वाघमारे यांच्यासह अनेक युवकांनी शिवसेनेत प्रवेश केला.

यावेळी राज्यमंत्री आशिष जयस्वाल आणि राजू भोसकर यांनी नव्याने पक्षात प्रवेश केलेल्या युवकांचे स्वागत करून त्यांचे अभिनंदन केले.